नेपालको सपना

धरातल एउटै थियो, कोही महलमा पुगे कोही बगरैमा छन ।
गाउँमा खुशी ल्याउँछु भन्दै हिंडेकाहरु उतै शहरैमा छन ।।

के पाउने आशमा क-कस्ले के के गुमाए लेखा जोखा छैन ।
दुस्ट सबै पुस्ट भैसके निमुखा आँफै छाक टार्ने रहरैमा छन ।।

जगत सारा पुकार्दै छन शान्ति र सदभावको लागि ।
सुन्दैनन कोही ती त दक्षिण दैत्य पुज्न धुप बत्ती अगरमै छन ।।

कोशी बेचियो कर्णली बेचियो लुम्बिनी दागा धर्दै छन दैत्य ।
जनताको लागि लडेकाहरु लिलाम गर्न देश उतै दिल्ली नगरमै छन ।।

आलोपालो स्वार्थको कुण्डमा, जनताको पुरोडास हाले .
सती गयो जनताको त्याग, समृद्ध नेपालको सपना शायद सगरमै छन ।।

अनुपम पाठक
मेलबर्न

About these ads