Lumbini-Kapilvastu Day Blog

Welcome to Lumbini, Nepal – the birthplace of Buddha

वुद्द नेपालमा जन्मेका हुन भारतमा होइन, सिमा अतिक्रमण वन्द गराऔ राष्ट्रियता वचाऔ !

Posted by worldamity on November 28, 2009

By सन्तोष न्यैपाने, वेल्जियम

विश्वभर शान्तिको विगुल फुक्ने शान्तिका अग्रदुत गौतम बुद्ध नेपालको कपिलवस्तुमा जन्मेको सर्वविदितै छ । गौतम बुद्ध नेपालका एक इश्वर मात्र होइनन विश्वमा बौद्ध धर्म मान्ने सबैका एक साझा इश्वर हुन ।

हाम्रो देश नेपाल शान्तिप्रिय पुन्य भूमी गौतम वुद्दको देश जसलाई सिंगो नेपालको एकिकरणकर्ता पृथ्वी नारायण शाहले चार वर्ण छत्तिस जातको साझा फुलवारीको उपमा देएका थिए । हो यही साझा फुलवारीको पूर्व, पश्चिम र दक्षिणी भागबाट भारत र उत्तरतर्फ चीन गरी दुई ठूला ठूला मुलुकहर रहेका छन् अर्थात नेपाल दुइ ढुंगाबीचको तरुलको रुपमा सदैव पिल्सिएर रहेको छ । उत्तरी मित्रराष्ट्र चीन जुन वौद्द धर्मको वाहुल्य रहेको देश मानिन्छ उसबाट नेपाललाई त्यति बाधा अथवा कुनै पनि हस्तक्षेप नगरिएको सिंगो इतिहाँस नै साँक्षी छ तर पूर्व, पश्चिम र दक्षिण तिनतिरबाट वन्दक वनाईरहेको कथित मित्रराष्ट्र भारतले आफ्नो विस्तारवादी निती अनुरुप हाम्रो देशको सम्पूर्ण क्षेत्रमा हस्तक्षेप गर्दै आइरहेको छ । पूर्व मेचिदेखि पश्चिम महाकालिसम्मका सिमानाहरुमा आक्रमण गर्दै दिन प्रतिदिन हस्तक्षेप गर्दै आएको छ । त्यसको अलावा राजनैतिक हस्तक्षेप, खुल्ला सिमाको कारण हुने अनेकौ डकैति, चोरी, पैठारीहरु त भइरहेकै र पचाइरहेकै कुराहरु थिए तर अहिले आएर धार्मिक रुपमा पनि हस्तक्षेप गर्ने दाउँ खेलिरहेको छ । अनि बुद्ध भारतमा जन्मेको भनेर दाबि गर्न थालिसकेको छ । कथित हिन्दि फिल्म चाँदनी चौक टू चाइनामा उसले सम्पूर्ण रुपमा वुद्दलाई भारतमा जन्माइरहेको दुस्साहस गरेको छ । उक्त फिल्म नेपाली सेन्सर वोर्डले व्यान्ड पनि गरेको थियो र अनेकौ विराधाभाष नाराहरु पनि लगाइएको थियो ।

त्यस्तै पछिल्लो समयमा आएर भारतले कपिलवस्तु जिल्ला नजिकै आफ्नो क्षेत्रमा कपिलवस्तु ठाउँ नामाकरण गरेर गौतम बुद्ध भारतमा जन्मेको प्रमाणित गर्नको लागि दुरुस्तै स्थानको निर्माण गर्दैछ भन्ने कुरा संचार माध्यममा आएको छ । यो सरासर नेपालको सार्वभौमसत्तामाथि विदेशी हस्तक्षेप गरेको हो । तथापि नेपालका नेताहरुलाई चासो त छदै छैन साथै हामी युवा वर्गमा पनि चासो कम हुदै गएको छ जुन एकदम दुर्भाग्यपूर्ण कुरा हो ।

यसै सन्दर्भमा हामी सम्पूर्ण प्रवासी नेपाली दाजुभाइहरुले आ-आफ्नो ठाउँबाट देशको राष्ट्रियता बचाउनको लागि यहि डिस्मेवर १ तारिख को दिन विश्वभरि कपिलवस्तु दिवस मनाउन लागिएको छ । बुद्ध नेपालमै जन्मेका हुन भनेर विदेशीहरुलाई जानकारी दिनु र प्रवासबाट भए पनि हामी वफादार नेपालीहरुले भारतमाथि खबरदारी गर्नको लागि यो कार्यक्रम गर्न लागिएको हो । भारतले गर्दै आइरहेको नेपाली भूमि अतिक्रमणबारे जानकारी र खबरदारी गर्न यो दिवसले थप सहयोग गर्ने छ ।

यसको कार्यक्रम स्वरुप अस्ट्रेलियामा पहिलो कार्यक्रम गरिएको छ । तसर्थ सम्पूर्ण प्रवासी नेपाली दाजुभाई दिदिबहिनीहरुले आफ्नो तर्फबाट समुह, संघ संगठन वा अरु विभिन्न राष्ट्र प्रेमी नेपाली हरुले यो दिवस मनाइ स्वदेशको स्वाधिनता र स्वाभिमानलाइ बचाइराख्न अग्रसर रहनुहोला ।

अन्तमा राष्ट्र हामि सबैको हो तसर्थ सबै मिलि विदेशी हस्तक्षेपबाट मातृभूमी जोगाइ राख्न अग्रसर रहौ ।

बुद्ध नेपाली हुन भारतीय होइनन विश्वभरि रहेका नागरिक लाई यो कुराको जानकारी गराऔ ।

नेपालको भूमिमाथि भइरहेको अतिक्रमण र धर्म अतिक्रमण को विरुद्ध मा प्रवासबाट भारतलाई खबरदारि गरौ

डिसेम्बर १ तारिखको दिन कपिलवस्तु दिवस मनाऔ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: