Lumbini-Kapilvastu Day Blog

Welcome to Lumbini, Nepal – the birthplace of Buddha

‘चीनमा बुद्धको जन्मथलोबारे यथार्थ प्रष्ट्याइने’

Posted by Ram Kumar Shrestha on June 21, 2010

ekantipur

निर्मल श्रेष्ठ

चीन, गोञ्जाउ, अषाढ ७ – गैरआवासीय नेपाली संघ चीनको दोस्रो बार्षीक कार्यक्रम नौ बुदे घोषणापत्रका साथ आइतबार सम्पन्न भएको छ । चीनको दक्षिणी व्यापारिक सहर गोञ्जाउमा आयोजित उक्त समारोहमा चीनमा बुद्धको जन्मथलोबारे यथार्थ प्रष्ट्याउन आवश्यक कार्य गर्ने, गोञ्जाउमा यथाशीघ्र नेपाली वाणिज्यदूतावास खोल्न आग्रह गर्ने, हङकङ र मकाउ एनआरएनबीच कार्यगत एकता विकसित गर्ने लगायतका छन् ।

घोषणपत्रमा नेपाल पर्यटन वर्ष २०११ लाई सफल बनाउन यथाशक्य पहल गर्ने, निर्धारित समयमा संविधान जारी गर्न दबाब दिने पनि उल्लेख छ । लु जिङलुस्थित विशाल पाचतारे होटल एसिया इन्टरनेशनलमा आयोजित भव्य समारोहमा संघले कल्याणकारी कोषको समेत स्थापना गरेको छ । चीनको गोञ्जाउ नेपाली व्यावसायीहरुको सबैभन्दा बढी बसोबास रहेको स्थल हो ।

कार्यक्रममा सहभागी गैरआवासीय नेपाली संघका अध्यक्ष देबमान हिराचनले प्रत्येक नेपालीको प्रतिष्ठा नेपाल सँग गासिएको हुँदा मुलुकलाइ समृद्ध बनाउन प्रवासमा रहेका सबै एकजुट हुनुपर्ने बताए । दश करोड अमेरिकन डलरको नेपाल लगानी कोष, ओपन युनिभर्सिटी, हेटौडा-काठमाण्डौ फाष्ट ट्रयाक लगायतका ठूला योजना कार्यान्वयनका लागि एनआरएन तदारुकता साथ लागेको पनि उनले कान्तिपुरलाई जानकारी गराए ।

भर्खरै जारी एनआरएन परिचय पत्रका सम्बन्धमा भने उनले सहमति अनुसारका केही बुदा हटाइएकामा नेपाल सरकार माथि असन्तुष्टि जाहेर गरे । ‘परिचय पत्र सम्बन्धी नियमावलीको ड्राफ्टमा  एनआरएनको सिफारिसपत्र अनिवार्य गरिनुपर्छ भन्ने लेखिएको थियो,’ अध्यक्ष हिराचनले भने, ‘सरकारले हामीलाई जानकारी नै नगराइ उक्त बुदा हटाएकाले पुनः संसोधन गरिनुपर्ने हाम्रो माग छ ।’ एनआरएन व्यक्तिमुखी नभई संस्थामुखी बनाउनु पर्ने कुरामा जोड दिदै उनले अहिलेसम्म गरिदै आएका विभिन्न विकासमुलक र सामाजिक कार्यहरुलाई निरन्तरता दिइने बताए । समयमा संविधान जारी हुन नसकेकामा परदेशमा रहेका नेपाली अत्यन्तै दुःखित रहेको भावना समेत उनले पोखे ।

समारोहमा राजदूत टंक कार्कीले विश्वभरि छरिएर रहेका २८ लाख नेपाली सद्भावना राजदूत भएको बताउदै परदेशमा रहनेहरुले स्वतःमुलुकको कूटनीतिक अभिभारा पनि बोकेको बताए । राजदूत कार्कीले अधिकांश चिनियँाहरुमा शाक्यमुनि बुद्धको जन्मथलोबारे भ्रम रहेको बताउदै सो बारे प्रष्ट्याउन थोरै मात्र मेहनत गरे पर्यटन बर्षमा चीनबाट एकलाख पर्यटक भित्रयाउने लक्ष्य सामान्य रहेको खुलाए । नेपाल ऐतिहासिक संक्रमण कालमा रहेको बताउदै उनले एनआरएनका सदस्यहरुलाई यस अवस्थामा मुलुकको आर्थिक सामाजिक विकासमा अझ बढी जिम्मेवार हुन अनुरोध समेत गरे ।

एनआरएन अन्तर्राष्ट्रिय समन्वय परिषद्का हङकङ प्रतिनिधि कृष्ण पाण्डेले संसारभर छरिएका नेपाली अब आर्थिक उन्नतितर्फ अग्रसर हुनुपर्ने विचार राखे । आर्थिकरुपमा सबल भए परदेशमै रही मुलुकको आर्थिक सामाजिक रुपान्तरणमा समेत योगदान गर्न सकिने उनको बुझाई थियो ।

कार्यक्रममा एनआरएन एसिया प्रशान्त क्षेत्रका सह-संयोजक रुद्रप्रसाद शर्मा, कोरिया अन्तराष्ट्रिय समन्वय परिषद्का प्रतिनिधि गंगाराज राई, हङकङका जगन्नाथ ज्ञवाली, मकाउ एनआरएनका अध्यक्ष सुर्दशन थापा मगर लगायतको उपस्थिति थियो । एनआरएन चीनका अध्यक्ष डिल्ली प्रसाद पराजुलीले चीनमा एनआरएनका १ सय ५० क्रियाशिल सदस्य रहेको जानकारी गराए । सोही समारोहमा अध्यक्ष देबमान हिराचन र राजदूत टंक कार्कीले एनआरएन चीनको आधिकारिक वेभसाइट एनआरएनचाइना डट कमको पनि सुभारम्भ गरे ।

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: