Lumbini-Kapilvastu Day Blog

Welcome to Lumbini, Nepal – the birthplace of Buddha

तारे होटलको आम्दानी लुम्बिनीको विकासमा खर्चिने जापानीको घोषणा

Posted by Ram Kumar Shrestha on November 6, 2010

ekantipur By माधव ढुंगाना

भैरहवा, कार्तिक २० – बुद्ध जन्मस्थल लुम्बिनीको नाममा आफ्नो दुनो सोझ्याउने व्यक्तिको कमी छैन । बुद्धको नाममा सहजै सहयोग जुटाउन सकिने भएका संस्था खोलेर चन्दा माग्ने प्रवृत्ति विदेशमा समेत विस्तार हुँदै छ । एक जापानी नागरिकले भने लुम्बिनीप्रति समर्पित हुँदै त्यसको विकासमा सघाउन करोडौं खर्च गरेर तीन तारे होटल सञ्चालनमा ल्याएका छन् ।

जापानको टोकियो निवासी ६५ वर्षीय नोबुओ कासाईले लुम्बिनी परिसरमा खोलेको तीन तारे ‘होटल लुम्बिनी कासाई’ को सबै मुनाफा लुम्बीनीको विकासमा खर्च गर्ने घोषणा गरेका छन् ।

‘होटलबाट प्राप्त हुने सबै नाफा लुम्बिनीको विकासमा खर्च गर्छु,’ उनले भने, ‘म लुम्बिनीको नाममा व्यापार गर्न आएको

होइन । मलाई नेपालबाट पैसा कमाएर लैजानु पनि छैन । उनले यो होटल आफ्नोतर्फबाट लुम्बिनी र स्थानीय बासिन्दाका लागि उपहारका रूपमा रहने बताए । ४० वर्ष उमेरको छँदा तीन-चार वर्षसम्म मुटुको बिरामी भएर जीवनमरणको दोसाँधमा रहेका बेला बाँचेको खण्डमा लुम्बिनीमा केही गर्ने संकल्प गरेको कासाईले बताए । ‘त्यही संकल्प पूरा गर्न होटल बनाएको हुँ,’ उनले भने ।

कासाई जापानमा रियलस्टेटको कारोबार गर्ने धनाढ्य व्यवसायी हुन् । जापानमा सबैभन्दा धेरै कर तिर्ने दस हजार व्यक्तिमध्येका कासाई एक भएको उनलाई जापान छँदैदेखि नजिकबाट चिन्ने स्थानीय डा. तारा सापकोटाले बताए । कानुनमा वातावरणसम्बन्धी विद्यावारिधि गर्न जापानको नागोया विश्वविद्यालयमा रहेका सापकोटासँग कासाईको भेट भएको थियो । त्यसपछि उनी नेपालमा लगानी गर्न उत्साहित भएका थिए ।

लुम्बिनीमा होटल सञ्चालनका निम्ति कासाईले सुरुदेखि १ अर्ब १ करोड येन -करिब ३६ करोड रुपैयाँ) खर्च गरेका छन् । ‘होटलले निरन्तरता पाओस् भन्ने उनको चाहना छ,’ सापकोटाले भने, ‘यसका कामदारलाई समेत उनी सन्तुष्ट राख्न चाहन्छन् । त्यसका लागि कासाईले व्यक्तिगत धेरै सम्पत्ति बेचेर नेपाल ल्याएका छन् ।

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: