Lumbini-Kapilvastu Day Blog

Welcome to Lumbini, Nepal – the birthplace of Buddha

लुम्बिनीमा लट्ठिएका जापानी

Posted by Ram Kumar Shrestha on May 22, 2011

माधव ढुंगाना

भैरहवा, जेष्ठ ८ – जापानी नागरिक नोबुओ कासाई हरेक बुद्धजयन्तीमा लुम्बिनी आएकै हुन्छन् । नियमित आउने तीर्थालु अरू पनि धेरै होलान् । तर उनको आगमन अरूकोभन्दा निकै फरक छ ।उनी बुद्धजयन्ती समारोहमा सरिक हुन वा लुम्बिनीको दर्शन गर्न मात्र आउने होइनन् । पाँच वर्षदेखि उनले बुद्धजयन्तीका दिन लुम्बिनी आउने हजारौं सर्वसाधारण दर्शनार्थीलाई लाखौं रुपैयाँ खर्चेर निःशुल्क भोजन गराउँछन् । ‘म रहेसम्म हरेक बुद्धजयन्तीमा लुम्बिनी आएर सर्वसाधारणलाई खाना खुवाइरहने छु,’ जापानको टोकियो निवासी ६५ वषर्ीय कासाईले भने ।

जापानमा गएको भूकम्प र सुनामीका बेला महिनौंसम्म उद्धार र घाइतेको सेवामा समर्पित कासाईले यस वर्ष लुम्बिनीमा आएर मृतकको चीरशान्तिको कामना र घाइतेको शीघ्र स्वास्थ्यको प्रार्थना गरे ।

त्यति मात्र कहाँ हो र ? जापान बुद्धिस्ट फेडरेसनका केन्द्रीय सदस्य कासाईले ३७ करोड रुपैयाँ खर्चेर लुम्बिनीमा तीनतारे स्तरको ‘होटल कासाई’ सञ्चालनमा ल्याएका छन् । यो व्यापारका लागि होइन । यसले कमाएको मुनाफा स्थानीयवासीको खुसी र लुम्बिनीको विकासमा समर्पण गर्ने उनले घोषणा गरेका छन् ।

बीस वर्षअघि लुम्बिनी आउँदा बस्ने होटल नपाएपछि रिक्साबाट फर्केर भैरहवा पुग्नुपरेको थियो उनले । ‘त्यही भएर लुम्बिनीमा होटलको सबैभन्दा ठूलो आवश्यकता महसुस गरी सञ्चालन गरेको हुँ,’ उनले भने । यहाँ होटल निर्माण गर्ने संकल्प पूरा गर्न कासाईले जापानमा व्यक्तिगत सम्पत्तिसमेत बेचेका थिए । ‘यो होटल लुम्बिनीका निम्ति मेरो उपहार हो,’ कासाईले भने ।

@ekantipur


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: