Lumbini-Kapilvastu Day Blog

Welcome to Lumbini, Nepal – the birthplace of Buddha

कपिलवस्तुको प्रचार प्रसारमा कोरियन भिक्षुको सकृयता

Posted by Ram Kumar Shrestha on November 20, 2012

गौतम बुद्ध भारतमा जन्मेको भन्दै भारतीय पक्षबाट नक्कली लुम्बिनी र नक्कली कपिलवस्तु निर्माण कार्य अन्तिमा चरणमा पुगेको बेला एक कोरियन भिक्षु भने कपिलवस्तुको प्रचार प्रसारमा सकृयता साथ जुटेका छन् । ती भिक्षुले बुद्ध र बुद्धसँग सम्बन्धित स्थलबारे प्रचारप्रसार गर्न बनाएको वृत्तचित्र प्रसारण समेत भएको छ । दक्षिण कोरियास्थित सोलमा रहेको पुरानो विहार होस्ट अफ पिल्गि्रमेज वल्र्ड पिसले वृत्तचित्र बनाई प्रसारण गरेको छ । विहारका प्रमुख भन्ते सुनमुख हेजा आफैँ कपिलवस्तु आएर वृत्तचित्र निर्देशन गरेका थिए ।

बुद्ध जन्मस्थलबारे धेरैलाई थाहा छैन, थाहा भए पनि कतिपयको भारतमा छ भन्ने भ्रम चिर्न पनि वृत्तचित्रले सहयोग गर्ने हेजाले बताए । धेरै कोरियनले बुद्ध जन्मस्थलका रूपमा नेपाललाई जानेको भए पनि अन्तर्राष्ट्रि्रयस्तरमा नेपाल र बुद्ध जन्मस्थलबारे प्रचारप्रसार गर्न आफूहरूले वृत्तचित्र बनाएको भन्ते हेजाले बताए । वृत्तचित्र हालै कोरियाबाट प्रसारण हुने बुद्ध टेलिभिजन र कोरियन ब्रोडकास्ट टेलिभिजनबाट प्रसारण गरिएको उनले बताए ।

वृत्तचित्रमा बुद्ध जन्मस्थल लुम्बिनी, उनको क्रीडास्थल तथा उनका पिता राजा शुद्धोधनको राजप्रासाद, तिलौराकोट, सम्राट् अशोकद्वारा गोटिहवा र निग्लिहवामा निर्मित अशोक स्तम्भ र हजारौँ शाक्यको वधस्थल सगरहवालाई समेटिएको छ । त्यस्तै, राजकुमार सिद्धार्थले ज्ञान पाएर राजधानी फर्किएपछि पिता राजा शुद्धोधनसँग पहिलोपटक भेटघाट गरेको स्थल निग्रोधाराम, कनकमुनि बुद्धको सहर अरौराकोट र नवलपरासीमा रहेको भगवान् गौतम बुद्धको अस्तुधातु सेलाइएको रामग्रामलाई पनि वृत्तचित्रमा समेटिएको छ ।

एक घन्टा लामो वृत्तचित्रलाई कोरियन र अंग्रेजी भाषामा तयार गरिएको क्यामरा पर्सन पर्क म्यांग जंगले बताए । वृत्तचित्रमा हरेक ठाँउको स्थलगत रूपमा व्याख्या लुम्बिनी विकास कोषका प्रमुख पुरातत्त्वविद् वसन्त बिँडारीले गरेका छन् । उनले यो वृत्तचित्रबाट बुद्धस्थलबारे अन्तर्राष्ट्रि्यस्तरमा राम्रो सन्देश जाने बताए । उनले यसले धेरै भ्रम चिर्न पनि सहयोग पुर्‍याउने बताए । गत वैशाखमा एक साताभन्दा बढी लगाएर छायांकन गरिएको र हालै यसको सम्पादन गरी प्रसारण गरिएको हो । कतिपय पुरातात्त्विक स्थलमा विहारका प्रमुख भन्ते हेजाले अन्तर्वार्ता दिएका छन् भने कतिपय स्थानमा भिक्षुको भूमिकामा आफैँ देखिएका छन् । 

वृत्तचित्रले बुद्धवचन र शिक्षालाई व्यवहारमा उतार्न सके मात्र विश्वमा शान्ति फैलने सन्देश दिने प्रमुख भन्ते हेजाले बताए । त्यस्तै, वृत्तचित्रले करुणा र प्रेमको भावना जगाउन सके मात्र मान्छे हिंसात्मक नभई सादा जीवन र उच्च विचारको भई शान्तिका लागि लाग्ने पनि भन्ते हेजाले बताए । ‘हामी आफैँ सक्रिय हुनुपर्ने वेला सयौँ माइल परबाट शुभेच्छुकहरू आई लुम्बिनीको प्रचारप्रसार गर्नाले विदेशमा राम्रो सन्देश जान्छ,’ भिक्षु मैत्रीले बताए ।

होस्ट अफ पिल्गि्रमेज वल्र्ड पिस विहारका प्रमुख भन्ते हेजाले लुम्बिनी विकास गुरुयोजनालाई सहयोग पुर्‍याउन यसअघि लुम्बिनीमा शान्तिवाटिका बनाएको बताए । पूर्वप्रधानमन्त्री गिरिजाप्रसाद कोइरालाले सन् २००८ मा लुम्बिनी भ्रमणको निमन्त्रणा दिएपछि उनी यहाँ आई शान्तिवाटिका बनाएका थिए । उनले कोइरालाकै आग्रहमा आफ्ना आठ हजारभन्दा बढी शिष्यसँग चन्दा उठाएर लुम्बिनीमा वाटिका बनाइदिएको बताए । त्यसपछि बुद्धलाई भुल्न नसकेर अहिले वृत्तचित्र बनाएको बताए । ‘हाम्रा लागि बुद्धले धेरै गरे, त्यही भएर बुद्धलाई सम्झेर केही न केही गर्न मन लागेर यहाँ आई शान्तिवाटिका र वृत्तचित्र बनाउन लागेको हुँ,’ उनले थपे । कोरियामा प्रसारण भएपछि अब त्यसलाई नेपालमा ल्याई प्रसारण गर्ने कार्यक्रम बनाइएको छ । छायांकनका लागि हेजासहित पाँचजनाको टोली यहाँ आएको थियो ।

One Response to “कपिलवस्तुको प्रचार प्रसारमा कोरियन भिक्षुको सकृयता”

  1. Thank you for this post. Let us share.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: