Lumbini-Kapilvastu Day Blog

Welcome to Lumbini, Nepal – the birthplace of Buddha

आधिकारिक रुपमा वुद्ध नेपालमा जन्मनु भएको कुरामा समस्या छैन

Posted by worldamity on January 31, 2018

बुझ्नै पर्ने एउटा कुरा के हो भने चाहे प्रधानमन्त्रीका रुपमा मोदीले बिभिन्न देशमा वुद्ध जन्मस्थलबारे गलत कुरा बोलोस वा धर्म गुरुका रुपमा दलाई लामाले वा योग गुरुका रुपमा रामदेवले आफ्नो पुस्तकमा गलत लेखोस्, वा अझै खरबौं खर्चेर अन्य नक्कल्ली लुम्बिनी र कपिलवस्तु बनाओस त्यस्ले प्राबिधिक समस्याका कारण वुद्ध जन्मस्थल बिषयमा धेरै देशमा गलत जानकारी कायमै रहे तापनि बैज्ञानिक र पुरातात्विक तथ्यका आधारमा नेपालको लुम्बिनी नै बुद्ध जन्मस्थल भएको आधिकारिक सत्य र तथ्यको जरो कसैले पनि हल्लाउन सक्ने होइन । ती कार्यले आस्थायी रुपमा यसो हाँगाबिंगा हल्लाउने मात्रै हुन । हामीलाई चिन्ता के मात्रै हो भने त्यो स्तरका ब्यक्तिहरुले जे मन लाग्यो लेख्न वा बोल्न रमाउनाले नकारात्मक चरित्रयुक्त ब्यक्तिहरुले जस्तै आफूलाई प्रदर्शित गरेर आफूलाई हल्का बनाउनतिर नलागिदेवस ।

UNESCO                                                           Buddha statue at UNESCO Headquarters Paris

प्रो कनिङ्घामको नेतृत्वमा यूनेस्कोको लुम्बिनीमा भैरहेको अत्याधुनिक अनुसन्धात्मक उत्खननले बुद्ध जन्म समयबारे नयाँ बैज्ञानिक तथ्य सार्वजनिक गरिसकेको छ र यस्लाई बिस्वकै ठूला अन्तराष्ट्रिय संचार माध्यमहरुले प्राथमिकतामा पारे भने न्यासनल जियोग्राफीले त डकुमेण्ट्री नै बनाइसकेको छ । बुद्ध जन्मभूमि भएकै कारण राष्ट्र संघका पाँच महासचिबहरु र नोबेल शान्ति पुरस्कार बिजेताद्धय दलाई लामा र आङ साङ् सुचीले भ्रमण गरिसकेको, राष्ट्र संघ मार्फत नै पहिला प्रो केन्जो टांगेले र हालै प्रो क्वाकले गुरु योजनाहरु तयार पारेका र युनेस्कोले लुम्बिनीलाई बिस्व सम्पदा सूचिमा समाबेश गरिएको कारण बैज्ञानिक र पुरातात्विक तथ्यका आधारमा नेपालको लुम्बिनी नै बुद्ध जन्मस्थल भएकोमा सन्देह नहुँदा नहुँदै पनि केही प्राबिधिक कारणले गर्दा धेरै देशको पाठ्य पुस्तकमा वुद्धको जन्मस्थलबारे गलत जानकारी राखिएकोले विस्वका अधिकांश नागरिकमा वुद्ध जन्मस्थल बिषयमा गलत जानकारी हुनु स्वाभाबिकै हो ।

नेपालमा बस्नेले वुद्ध नेपालमा जन्मनु भएको कुरा संसारलाई थाहा छ भनेर भन्छन जुन गलत हो, किनकि धेरै देशको पाठ्य पुस्तकमा नै गलत जानकारी राखिएको छ भने उनीहरुले केका आधारमा सही जानकारी पाउन? पहिला गुगलले पनि गलत जानकारी दिने गर्थ्यो, यही अभियानपस्चात गुगलले सच्याउने काम गर्‍यो । आधिकारिक रुपमा समस्या नहुँदा नहुँदै पनि प्राबिधिक कारणले गर्दा यो समस्या रहेकोले हाम्रो दायित्व भनेको विस्वब्यापी रुपमा रहेको यो दिग्भ्रम निस्तेज गर्ने मात्रै हो न कि वुद्ध नेपालमा जन्मनु भएको भनेर प्रमाणित गर्ने ।

त्यसैले यो समस्या भएकोमा चिन्ता लिने र समस्या समाधान गर्ने अभिप्रायले आ-आफ्नो क्षमतानुसार फिल्म बनाएर वा बिभिन्न गतिबिधि गरेर गिनिज बुकमा रेकर्ड कायम गरेर वा सगरमाथा चढेर जे गरेर पनि समस्या समाधानमा केही योगदान दिन सकिन्छ र पनि समस्याको जरो भनेको बिभिन्न देशको गलत जानकारीयुक्त पाठ्यपुस्तक हुन र त्यो सच्याउने काम नै समस्या समाधानको जरो उखेल्ने काम हो । दुई देशको पाठ्य पुस्तक सच्याउने कामपछि सात देशको पाठ्य पुस्तक सच्याने काम नेपाल सरकार मार्फत अगाडि बढीसकेको छ तर नेपाल सरकारले नियमित रुपमा फलोअप पनि गरिदेवस भन्ने हाम्रो जोड हो ।

यो अन्तरबार्तामा पाइने जबाफ धेरैले सोध्ने गरेकाले जानकारीको लागि यहाँँ राखिएको छ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: